in , ,

免費預約日本餐廳!一文教你用 tripla.ai 預約周奕瑋推介人氣餐廳

tripla ai hero

日本咁多好嘢食,去得梗係要做定功課,預早 Book 定位啦!但好多人氣餐廳都只接受電話預約,唔識日文就只好放棄,就算部份餐廳接受網上預約,遇到複雜情況都唔知點處理。今次就等我依莉詩介紹個免費嘅日本餐廳預約網畀大家啦!

tripla ai 1

一站式預約周奕瑋推介人氣餐廳

tripla.ai 係一個日本餐廳預約網站,服務包括全日本大部份嘅餐廳。姐係話,你出發前 Plan 好晒行程,上一個網就可以幫你訂好晒啲餐廳,唔使打長途電話或者逐個上官網預約。而且網站提供 5 種語言,英文、日文、中文繁體、簡體、韓文都有,方便唔同國家嘅遊客使用,完全可以避免語言不通做成嘅問題同誤會。當然,重點係免費嘅!

每次睇完旅遊節目都好有衝動想試吓推介嘅餐廳,但好多時都嫌難 Book 而放棄,今次我就嘗試預約兩間最近周奕瑋喺《周遊關西》推介嘅餐廳,又真係 Book 到,而且流程非常簡單,回覆都好快,一日就搞掂喇!

tripla ai 2

▲ 海膽牛肉應該唔少人試過,今次周奕瑋喺第一集介紹嘅京都廣島蠔牛肉真係睇到都心動!佢仲話近日有日本研究指當蠔同肉嘅比例係一比一的話,兩者嘅鮮味會大大提升 8 倍!

牡蠣とお肉とクラフトビール菜の雫

地址:京都府京都市中京区堺町通三条下ル道祐町 135-1 三条食彩ろぉじ堺町の道

tripla ai 3

▲ 另一間勁想試嘅就係 Kichi Kichi Omurice 食神級蛋包飯,厚厚嘅奄列放喺炒飯上,再用刀輕輕一切,啲滑蛋湧晒出來,睇到都流晒口水!

ザ・洋食屋 キチ・キチ (Kichi Kichi)

地址:京都府京都市中京区三条先斗町下ル材木町 185-4

Step 1:與 AI 對話

事不而遲,揀好餐廳就立即 Click 入 tripla.ai 開始預約。網站嘅操作好簡單,只有一個 Chatbot,只要跟住指示,好似同佢傾計咁,輸入餐廳名、餐廳電話、用餐日期同人數等資料,就可以完成預約。更好嘅就係大部份情況下都唔使註冊或者登入,只需要一個電郵就可以,唔會索取多餘嘅個人資料,可以放心使用!

tripla ai 4

▲ 入到網站,按中間嘅按鈕【按此進入聊天視窗】,右面會彈出一個 Chatbot,再按【預約餐廳】就可以開始預約。

tripla ai 5

▲ 跟住輸入餐廳名同電話,如果有分店就輸入埋。

tripla ai 6

▲ 再選擇用餐日期、時間同人數。

tripla ai 7

▲ 最後輸入名同電郵,如果有特別要求都可以係度提出。

tripla ai 8

▲ 確認資料無誤,就可以等待電郵通知。

Step 2:等待 Email 回覆

基本上預約嘅流程分兩部份,tripla.ai 內嘅 Chatbot 同 Email,Chatbot 用作輸入同溝通,而 Email 就係通知你最新情況。姐係話,你唔使長期開住個網,登記好之後,有咩新訊息,只要撳 Email 內嘅連結就可以返到 Chatbot ,延續上一次嘅對話。特別遇到複雜嘅情況,例如餐廳要收訂位費之類,呢個功能超好用!

tripla ai 9

▲ 喺 Chatbot 確認預訂細節後,會收到一封「已接受預約申請」嘅 Email,但記住唔等於預約完成,只係 tripla.ai 開始幫我哋聯繫餐廳咋!

情況 1:【 成功預約 】

tripla ai 10

▲ 如果順利嘅話,好快就會收到成功預約嘅 Email。今次我一日內就收到回覆了,不過都要睇返餐廳嘅回覆速度,同埋小幫手服務時間係日本時間 08:00 ~ 22:00 呢!

tripla ai 11

▲ 成功預約可以 Click 入 Email 連結,睇情預約詳情。

tripla ai 12

▲ 入面仲好細心,有埋餐廳地圖嘅連結?!

情況 2:【 無法預約 】

tripla ai 13

▲ 不過未必間間餐廳都一樣順利預約,所以要注意有冇收到 Email 通知。Click 入 Email 內嘅連結,就可以延續上一次 Chatbot 對話。

tripla ai 14

▲ 好似我今次預約嘅「牡蠣とお肉とクラフトビール菜の雫」就需要收取消費用,而呢個情況 tripla.ai 就會先收取作按金;而如果餐廳 Full 咗,佢都會同你講呢!

無法出席記得提前取消預約!

大家都知道,日本十分著重禮貌,預約咗餐廳道一定要準時到達!如果真係封唔到,都一定要記得提前取消預約,千奇唔好 No Show!做個有責任感嘅好遊人!而呢個服務取消預約都唔複雜,只要喺「成功預約」嘅 Email 撳「取消預約」連結,再到網站撳 「取消預約」就可以了!

tripla ai 15

▲ 如果行程有變動無法出席,喺 Email 撳「取消預約」連結,再到網站撳 「取消預約」就可以了!

tripla ai 16

▲ 最後仲會收到一封 Email 確認已經取消預約,非常細心。

tripla.ai 操作簡潔易明,幾個步驟就可以預約到日本餐廳,而且網站工作效率都好高,一兩日就會收到回覆。下次去日本就要靠佢啦!


博客文章由依莉詩生活提供

https://eriediary.hk/2019/05/23/tripla-ai/

如果你喜歡這篇文章,點擊拍掌 5 次,表示你對小編的支持,謝謝!

Written by 依莉詩生活

網媒出身嘅 90 後,抱住「試咗先講」嘅精神。終日飲飲食食、遊走各大商場、小店尋找好去處。

kfc pubg 2019 hero cover

KFC 再次舉辦 PUBG 食雞比賽!冠軍可獲 4 萬現金及全年免費任食雞

birdie mobile game update pose pose revolution hero

「種 GB 的自由鳥」升呢新搞作!提升最高等級、全新模仿小遊戲