in

《移動迷宮:焦土試煉》 ─ 牆外的世界很危險

maze-runner-the-scorch-trials-movie-poster

《移動迷宮:焦土試煉》
MAZE RUNNER: THE SCORCH TRIALS

一承上集「跑者」少年戰士,不顧性命安危,調查著神秘龐大 WCKD 組織背後隱藏的驚天秘密。這次試煉起源於「焦土」之上── 一處荒蕪孤寂絕地,那裡充滿著常人無法想像的恐懼與障礙!唯獨一眾「跑者」有計有謀勇不妥協,向橫蠻無理的 WCKD 組織高調宣戰,逐層撕開對方假面具,揭開跨越想像的震驚大計謀!

睇到呢類電影,會出現一個似曾相識嘅感覺,呢年出現好多以烏托邦、未知世界、青少年、競技、殺戮等同類電影;《飢餓遊戲》、《分歧者》、《移動迷宮》,呢幾款電影都有同樣或類似嘅元素,睇落去真係差唔多,個個都係全球熱銷唔知幾多百萬冊,登上唔知咩咩咩書榜熱銷冠軍,根據原著改編乜乜乜導演光影震撼,最後就係一班少年,玩一場遊戲,死下死下又一個,最後翻牆睇到個真實世界,開始集體造反推翻舊制,完。

睇完第一集,有人話爛,有人話好,我自己就覺得ok嘅,對呢類電影都唔反感嘅,自己本身鍾意睇美劇,《移動迷宮》好明顯係行緊美劇嘅方式,睇第一集嘅時候已經好有美劇《Lost》嘅感覺,大家都係一開始處於一個未知嘅世界,要周圍探索求生,而牆外很危險有怪獸有黑煙;第二集就要解謎,發掘背後嘅真相,繼續廝殺;第三集就見到個真相,開始恍然大悟,好似悟出咗一D大道理;完。

《移動迷宮:焦土試煉》亦都行緊呢個美劇 Mode,所以如果鍾意睇《移動 1》嘅朋友仔,可以繼續入戲院追埋《移動迷宮:焦土試煉》,反正你都睇咗第一集 lo,肯定睇埋第二集,坐等第三集啦。

電影預告

如果你喜歡這篇文章,點擊拍掌 5 次,表示你對小編的支持,謝謝!

Comments

發佈留言

發佈留言必須填寫的電子郵件地址不會公開。 必填欄位標示為 *

Written by JackGOR

Life's for Sharing ~♪

一沙一世界,一花一天堂。
雙手握無限,刹那是永恆。

logitech artemis spectrum g633 hero

首款搭載 DTS Headphone: X 技術!全新 Logitech Artemis Spectrum G633 遊戲耳機

line friends store mobile corner

香港 LINE FRIENDS 專門店第二階段正式開幕,推出多款全新精品及聯乘產品